நாயகன் படத்தில் கிடைத்த சிறு பொறிதான் ‘தக் லைஃப்’.. மணிரத்னம் பகிர்வு!
நாயகன் என்ற கல்ட் கிளாசிக் படத்தைக் கொடுத்த கமல்ஹாசன் –மணிரத்னம் கூட்டணி 35 ஆண்டுகளுக்குப் பிறகு ‘தக் லைஃப்’ படத்தில் மீண்டும் இணைந்துள்ளது. இந்த படத்தில் கமல்ஹாசனுடன் சிம்பு, திரிஷா, ஜோஜு ஜார்ஜ், கௌதம் கார்த்திக், அசோக் செல்வன் மற்றும் ஐஸ்வர்யா லஷ்மி உள்ளிட்டோர் நடிக்கின்றனர்.
ஏ ஆர் ரஹ்மான் இசையமைக்கிறார். கமல்ஹாசன், உதயநிதி ஸ்டாலின் மற்றும் மணிரத்னம் ஆகிய மூவரும் இணைந்து தயாரிக்கின்றனர். படத்தின் ஷூட்டிங் நிறைவடைந்து போஸ்ட் புரொடக்ஷன் பணிகள் விறுவிறுப்பாக நடந்து வருகின்றன. படம் ஜூன் மாதம் 5 ஆம் தேதி ரிலீஸாகவுள்ளது. இதற்கிடையில் படத்தின் டிரைலர் ரிலீஸாகி கவனம் பெற்றுள்ளது.
இந்நிலையில் படம் பற்றி ஒரு நேர்காணலில் பேசியுள்ள இயக்குனர் மணிரத்னம் “கமல் சாருக்காக நான் ஒரு கதை சொன்னேன். அது மிகவும் அதிக செலவு கொண்ட ஒன்றாக இருந்தது. அதனால் கமல் சார் வைத்திருந்த ஒரு திரைக்கதையை என்னிடம் கொடுத்தார். அதில் இருந்த ஒரு விஷயத்தை வைத்து நான் இந்த திரைக்கதையை உருவாக்கினேன். அதை ‘நாயகன்’ படத்தில் இருந்து கிடைத்த பொறி என்றும் சொல்லலாம்” எனக் கூறியுள்ளார்.
