விஷால் - விஜய்சேதுபதி திடீர் சந்திப்பு.. நெகிழ்ச்சியான இன்ஸ்டாகிராம் பதிவு..!

சென்னை விமான நிலையத்தில் இன்று காலை நடிகர்கள் விஜய் சேதுபதி மற்றும் விஷால் இடையே திடீரென சந்திப்பு நடந்தது. இரண்டு பேரும் அங்கு தனிப்பட்ட பயணத்துக்காக வந்திருந்தனர்.

விஜய் சேதுபதி சமீபத்தில் ‘மகாராஜா’ மற்றும் ‘விடுதலை 2’ படங்களில் வெற்றிகரமாக நடித்துள்ளார். தற்போது மிஷ்கின் இயக்கும் ’டிரெயின்’ படத்திலும், பூரி ஜெகன்நாத் இயக்கும் பான்-இந்திய திரைப்படத்திலும் நடித்து வருகிறார். மேலும், பி. ஆறுமுககுமார் இயக்கத்தில் அவரது 51-வது படம் ‘ஏஸ்’ படம் அடுத்த வாரம் வெளியாகவுள்ளது.

இந்நிலையில், நடிகர் விஷால் தனது இன்ஸ்டாகிராம் பக்கத்தில் விஜய் சேதுபதியுடனான சந்திப்பு குறித்து கூறியிருந்தார். “நான் என் நெருக்கமான நண்பர் விஜய் சேதுபதியை விமான நிலையத்தில் சந்தித்தேன். பல நாட்களுக்கு பிறகு அவரை பார்ப்பதில் மிகுந்த மகிழ்ச்சி. எங்கள் சிறு உரையாடலே மனதை நெகிழ வைத்தது. அவரது எதிர்கால பயணத்திற்கு எனது வாழ்த்துகள். கடவுள் எப்போதும் அவருடன் இருப்பார். மீண்டும் விரைவில் சந்திக்க ஆசைப்படுகிறேன்” என்று அவர் பகிர்ந்துள்ளார்.

இந்த சந்திப்பு இருவருடைய நட்பையும், ரசிகர்கள் மனதில் உற்சாகத்தையும் தூண்டியுள்ளது.

Edited by Mahendran