கர்ப்பமாக இருக்கும் கியாரா அத்வானிக்காக ‘டாக்ஸிக்’ படத்தின் லொகேஷன் மாற்றம்!
யாஷ் நடிப்பில் கே ஜி எஃப் 2 ரிலிஸாகி கிட்டதட்ட இரண்டு ஆண்டுகள் கழித்து அவர் இப்போது கீது மோகன்தாஸ் இயக்கும் ‘டாக்ஸிக்’ படத்தில் நடித்து வருகிறார். கேவிஎன் புரொடக்ஷன் நிறுவனம் தயாரிக்கும் இந்த படத்தின் படப்பிடிப்பு சில மாதங்களுக்கு முன்னர் முதல் பெங்களூருவில் தொடங்கியது. இந்த படத்தில் யாஷின் சகோதரி வேடத்தில் நயன்தாரா நடித்து வருகிறார்.
சில மாதங்களுக்கு முன்னர் நேற்று யாஷின் பிறந்தநாளை முன்னிட்டு படத்தின் கிளிம்ப்ஸ் வீடியோ ஒன்று வெளியானது. அதில் யாஷ் கே ஜி எஃப் கெட்டப்பிலேயே பார் ஒன்றுக்குள் நடந்து செல்வது போலவும், பெண்களின் கவர்ச்சி நடனம் இடம்பெறுவது போலவும் உருவாக்கப்பட்டு இருந்தது. படம் இந்த ஆண்டு ஏப்ரல் 10 ஆம் தேதி ரிலீஸாகும் என அறிவிக்கப்பட்டிருந்தது.
ஆனால் படத்தின் பணிகள் இன்னும் முடியாததால் தற்போது படத்தின் ரிலீஸ் கிட்டத்தட்ட ஒரு வருடம் தள்ளிவைக்கப்பட்டுள்ளது. அடுத்த ஆண்டு மார்ச் மாதம் 19 ஆம் தேதிக்கு படத்தின் ரிலீஸ் தள்ளிவைக்கப்பட்டுள்ளதாக அதிகாரப்பூர்வமாக அறிவிக்கப்பட்டுள்ளது. இப்போது ஷூட்டிங் விறுவிறுப்பாக நடந்து வரும் நிலையில் படத்தின் நாயகி கியாரா அத்வானிக்காக ஷூட்டிங்கை பெங்களூருவில் இருந்து மும்பைக்கு மாற்றியுள்ளது படக்குழு. ஏனென்றால் கியாரா தற்போது கர்ப்பமாக இருக்கிறார். ஏற்கனவே அவர் சம்மந்தப்பட்ட சிலக் காட்சிகள் படமாக்கப்பட்டு விட்ட நிலையில் அவரை சிரமப்படுத்த வேண்டாம் என்று மீதிக் காட்சிகளுக்காக இந்த முடிவை எடுத்துள்ளது படக்குழு.
