என்ன செய்யப் போகிறாய் என்று கமல் சார் கேட்பார்?... தக் லைஃப் இசையமைப்பு அனுபவம் பகிர்ந்த ARR!

பொன்னியின் செல்வன் படத்தின் மூலமாக பல ஆண்டுகளுக்குப் பிறகு கமர்ஷியல் வெற்றியைப் பெற்ற இயக்குனர் மணிரத்னம் அடுத்து இப்போது கமல்ஹாசனை வைத்து தக் லைஃப் படத்தை இயக்ககியுள்ளார். இந்த படத்தில் கமல்ஹாசனுடன் சிம்பு, திரிஷா, ஜோஜு ஜார்ஜ், கௌதம் கார்த்திக், அசோக் செல்வன் மற்றும் ஐஸ்வர்யா லஷ்மி உள்ளிட்டோர் நடிக்கின்றனர்.

ஏ ஆர் ரஹ்மான் இசையமைக்கிறார். கமல்ஹாசன், உதயநிதி ஸ்டாலின் மற்றும் மணிரத்னம் ஆகிய மூவரும் இணைந்து தயாரிக்கின்றனர். படத்தின் ஷூட்டிங் நிறைவடைந்து போஸ்ட் புரொடக்‌ஷன் பணிகள் விறுவிறுப்பாக நடந்து வருகின்றன. படம் ஜூன் மாதம் 5 ஆம் தேதி ரிலீஸாகவுள்ளது.

இன்று இந்த படத்தின் முதல் தனிப்பாடல் ‘ஜிக்குச்சன்’ வெளியாகியுள்ளது. ரஹ்மான் இசையில் பாடலின் வரிகளை கமல்ஹாசன் எழுதியுள்ளார். இந்த பாடல் வெளியீட்டு நிகழ்ச்சியில் கலந்துகொண்டு பேசிய ஏ ஆர் ரஹ்மான் “கமல் சார் நடித்த காட்சிகளுக்கு இசையமைக்கும் போது அவர் திரையில் “இப்ப என்ன செய்யப் போகிறாய்?” எனக் கேட்பது போல இருக்கும். மணிரத்னமும்- கமலும் இளையராஜாவுடன் இணைந்து நாயகன் என்ற தனித்துவமானப் படத்தைக் கொடுத்தார்கள். இந்த படம் அதிலிருந்து மாறுபட்டது.” எனக் கூறியுள்ளது.