சிதம்பரம் சித்திரகுப்தருக்கு சிறப்பு பூஜைகள்.. கோவில் நிர்வாகம் அறிவிப்பு..!

"கோவில்" என்றால், பெரும்பாலும் சிதம்பரம் நடராஜர் கோவிலையே குறிக்கின்றது. இந்த ஆலயம் அவ்வளவு புகழ் பெற்றதாகும். காஞ்சிபுரத்தில் சித்ரகுப்தருக்கு தனி கோவில் இருக்கின்றது, அதேபோல், சிதம்பரம் கோவிலிலும் சித்ரகுப்தருக்கு தனி சன்னிதி அமைந்துள்ளது.

நடராஜர் கோவிலில் உள்ள நூற்றுக்கால் மண்டபத்திற்கு வடக்கே சிவகாமி அம்பிகைக்கு தனி சன்னிதி உள்ளது, இதனை "சிவகாமக் கோட்டம்" என அழைக்கின்றனர். இவ்வாறு, சிதம்பரத்தில் தென்கிழக்குக் கோணத்தில் சித்ரகுப்தருக்கு தனி சன்னிதி அமைக்கப்பட்டுள்ளது. இந்த சன்னிதி மேற்கு நோக்கி அமைந்துள்ளது, அங்கு சித்ரகுப்தர் எழுத்தாணியுடன் அமர்ந்துகொண்டிருப்பதை காணலாம். அவருக்கு அருகில் சனீஸ்வர பகவான் வீற்றிருக்கும்.

சித்திரை மாத பவுர்ணமி நாளில், இங்கு சித்ரகுப்தருக்கு சிறப்பு வழிபாடுகள் நடைபெறுவது வழக்கமாகும். இந்த நாள் சித்ரகுப்தரின் அவதரித்த நாள் என்றும் கருதப்படுகிறது. சித்ரா பவுர்ணமியில் அவரை வழிபட்டால், ஆயுள் மற்றும் செல்வம் பெருகும் எனும் நம்பிக்கையும் உண்டு.

சிதம்பரம் கோவிலில் சித்ரகுப்தரின் சன்னிதியில், இந்த நாளில் சிறப்பு அபிஷேகம் மற்றும் ஆராதனைகள் நடைபெறும் என கோவில் நிர்வாகம் தெரிவித்துள்ளது.

Edited by Mahendran