பீரியட் படமாக உருவாகிறதா தனுஷ் & விக்னேஷ் ராஜா இணையும் படம்?

அசோக் செல்வன் மற்றும் சரத்குமார் ஆகியோர் நடிப்பில் விக்னேஷ் ராஜா இயக்கிய திரைப்படம் போர்த் தொழில். இந்த படத்தின் வெற்றி காரணமாக கவனிக்கப்படும் இயக்குனராக மாறினார் விக்னேஷ் ராஜா. தற்போது தனது இரண்டாவது படமாக தனுஷை வைத்து ஒரு படம் இயக்கி வருகிறார்.

இந்த படத்தை வேல்ஸ் இண்டர்நேஷனல் நிறுவனம் தயாரிக்க ஒப்பந்தம் ஆனது. இந்த படம் கடந்த ஆண்டே அறிவிக்கப்பட்டும் தொடங்குவதில் தாமதம் ஆனது. படந்த 11 ஆம் தேதி பூஜையோடு படப்பிடிப்பு தொடங்கியுள்ளது. தற்காலிகமாக இந்த படத்துக்கு ‘தனுஷ் 54’ என தலைப்பு வைக்கப்பட்டுள்ளது. கதாநாயகியாக மமிதா பைஜு நடிக்க, ஜி வி பிரகாஷ்குமார் இசையமைக்கிறார்.

இந்த படத்தின் ஷூட்டிங் தற்போது விறுவிறுப்பாக நடந்து வரும் நிலையில் படப்பிடிப்புத் தளத்தில் தனுஷ் ஒரு டெலிஃபோன் பூத்துக்குள் இருந்து பேசுவது போன்ற ஒரு புகைப்படத்தைப் படக்குழு பகிர்ந்துள்ளது. அதனால் இந்த படம் ஒரு பீரியட் படமாக உருவாகிறதோ என்ற கேள்வி ரசிகர்கள் மத்தியில் எழுந்துள்ளது.